ROSACIOLA
Ad honorem dr. Ioannis Souček
"Omnia vincit amor!"
| PRIMVM ACTA: a.d. XV Kal. Ian. MMDCCLXI a. V. c. (18. 12. 2009) |
| ARGVMENTVM: Rhodi, paucis annis ante Chr. n./paucis annis post Chr. n... In familia regia puella nata est, quae e nomine insulae paternae Rosaciola vocatur. Pater eius, rex Rhodiorum, luxuriae pronus, die lustrico epulas profusas apponit, quibus ut intersint deas tres honorabiles – Heram, Athenam, Artemidem – invitat, cum Afroditam ipsam fatuus excludat. Quae spreta in convivio apparet atque horrifica sortis inevitabilis irae plena vaticinatur: Rosaciolam quindecim annos natam rosae spina mortifera esse obituram. Cuius vaticinii atrocitas ab Hera ita remittitur, ut Rosaciola non mortua sed somno solo per saeculum molliter requiescat. Nihil prodest quod parentes omnibus nervis fata filiae mutare conantur, tamen die natali quinto decimo Rosaciolam rosae spina ab Afrodita ipsa oblatae punctam somnus artissimus complectitur atque simul cum ea omnia in regno obdormiscunt. Tum annis centum elapsis, ut praedictum est, iuvenis e sanguine senatoris progenitus puellam e somno excitat fabulose et nuptiae celebrae statim adornantur. |
| Fabula amorosa, Latine, pueris inconveniens (res veneris repraesentatur) Linguae gradus: ad usum proficientium Subtituli pelliculae: Latini, Bohemici, Germanici, Anglici Pellicula durat: 36 minutas |
