LVPA

NVNTII

Cuculla Monty Pythonis more narrata

Die Saturni, 14 Mai 2011 17:10

Parva Rubra Cuculla semper a multis gregibus desiderata petitaque fuit. Quis enim tam amens sit, ut Cucullam sibi conciliare non concupiscat? Ecce, et grex histrionum c. n. Monty Pytho, ut partem suam in fabella eorum ageret, olim persuadere Cucullae conatus est, quae diu cunctans tamen annuit. Feliciterne res evenerit ipsi hac pellicula spectata diiudicetis:

Acroasis acta

Die Mercurii, 27 Aprilis 2011 13:33

LVPA fulgore primi Solis experrecta se nitentem rursus ultra Oceanum ostendit, cum paucis ante diebus in universitate Cornelliana pelliculam Rosaciolae praebuit necnon incepta propositaque lupina palam fecit.

Paucae imagines a nostra fautrice Fouzia Lashari captae hoc loco inveniri possunt.

Cantus lupinus

Die Veneris, 15 Aprilis 2011 22:38

Quamquam carmen lingua barbara cantum, tamen omnibus fautoribus ediscendum!

Pellicula Rosaciolae in lucem edita

Die Lunae, 28 Martii 2011 16:25

Gaudete omnes, nam nuntium iam pridem desideratum vobis afferimus: Pelliculam Rosaciolae magna cum cura affabre confectam atque discis mandatam solum 150 coronis emere licet. Credimus neminem inter vos esse, qui non alliciatur, ut sibi eam ilico comparet!

HANC HABERE DEBES!

Quapropter postulans discum aut adeas hunc nexum aut recta ad nos scribas.